श्याम इङ्नाम, हङकङ, १ अगष्ट २०१०,

संघीय गणतान्त्रिक नेपालको अब बन्ने संघीय स्वायत्त राज्यहरुमा लिम्बुवान पनि एक आत्मानिर्णय अधिकारसहितको विशिष्ट स्वायत्त राज्य हुनुपर्दछ र त्यसको भौगोलिक सिमाना ऐतिहासिक दस्तावेज तथा प्रमाणहरुको आधारमा नेपालको अरुण-सप्तकोशी नदीपूर्वको नौंवटा जिल्लाहरुसहितको हुनुपर्छ भन्दै संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषद हङकङ प्रवास कार्य समितिको सी. सी. ओ. अभियानअन्तर्गत न्यु टॆरिटोरिज क्षेत्रीय कार्य समिति गठन भएको छ ।

सोह्रौ विश्व आदिवासी दिवसको उपलक्ष्यमा हङकङमा समेत नेपाली आदिवासी जनजातिहरुले याउ मा तेइ कम्युनिटी सेन्टरमा दिवस एक दिन अगावै धुमधाम मनाए । कार्यक्रममा उनीहरुले विविध संस्कृतिहरु झाँकीहरु प्रदर्शन गरेका थिए ।